Móttaka hópa

Fólk sitjandi í fyrirlestrarsalnum á Haki, Snorrabúð, að hlusta á fyrirlestur með skyggnulýsingum

Kort af gönguleiðum í sigdældinni á Þingvöllum

Fyrirlestur í Snorrabúð

Fjölbreyttar gönguleiðir eru á Þingvöllum. Hægt er að aðlaga fræðslu okkar að því sem þú vilt upplifa.

Á hverju ári tekur þjóðgarðurinn á Þingvöllum á móti ýmsum hópum hvaðanæva að úr heiminum. Veitt er fræðsla um sögu og náttúru staðarins ásamt framtíðarþróun þjóðgarðsins í átt að sjálfbærari starfsemi. Hægt er að haldar hefðbundnar kynningar í fyrirlestrasal þjóðgarðsins, Snorrabúð, sem staðsett er í gestastofunni á Haki og fara í lengri eða skemmri gönguferðir um hina margvíslegu göngustíga þjóðgarðsins. Gott er að hafa samband í gegnum thingvellir@thingvellir.is og spyrjast fyrir um mögulega móttöku.

Skólabörn standa í röð við bakka öxarár í prestakróki

Skólaheimsóknir

Skólaheimsóknir til Þingvalla hafa verið vinsælar í gegnum árin. Öll skólastig leggja land undir fót og heimsækja Þingvelli á einhverjum tímapunkti. Þó jafnan sé mest að gera í tengslum við slíkar heimsóknir að vori þá er boðið upp á skólamóttöku árið um kring.

Móttaka og fræðsla

Tilvist þjóðgarðsins byggist á fræðslu til sem flestra. Þó vissulega séu skólahópar í miklum meirihluta hefur þjóðgarðurinn einnig tekið á móti fjölmörgum hópum frá stofnunum, félagasamtökum og ferðahópum (h)eldri borgara.