Þann 17. júní 1944 var íslenska lýðveldið stofnað á Lögbergi á Þingvöllum og fagnar það því nú 80 ára afmæli. Sérstök hátíðardagskrá í tilefni af 80 ára afmæli lýðveldisins hefur þannig verið sett upp með fjölda viðburða. Dagskrána má nálgast á lydveldi.is.
Yfir árið verða viðburðir á Þingvöllum tileinkaðir lýðveldisárinu sem nær hámarki helgina 15-16. júní með þéttri menningardagskrá og tónleikum sunnudagskvöldið 16. júní.
Hugmyndin um Alþingi á Þingvöllum varð stór partur í röksemdum þeirra sem vildu aukna sjálfsstjórn í hendur íslendinga á 19. og 20. öld. Hér hittist fólk til skrafs og ráðgerða eða vildi sækja sér innblástur frá umhverfi og sögu staðarins.
Lengi voru uppi hugmyndir um að endurreisa alþingi aftur á hinum forna þingstað. Jón Sigurðsson einn áhrifamesti stjórnmálamaður 19. aldar færði þó sannfærandi rök fyrir að best færi á að Alþingi væri endurreist í Reykjavík. Varð það líkast til umhverfi Þingvalla til bjargar. Umtalsvert rask hefði verið nauðsynlegt svo koma mætti þinginu aftur fyrir á Þingvöllum.
Helgina 15-16. júní er stefnt að menningarhátíð sem mun ná hámarki sunnudagskvöldið 16. júní. Óvíst er þó hvort þetta verði allt aftur lúðrablásturshljómsveitir eða eitthvað ögn nýrra tónlistarform.
Velkomin til Þingvalla - Dagskrá laugardaginn 15. júní
13:00
Snorrabúð í gestastofu: Afhjúpað verður menningarkort barnanna sem er unnið í samstarfi við forsætisráðuneytið, Hrafnseyri og Menningarmót.
13:00 – 17:00.
Fornleifaskóli barnanna verður starfandi við Valhallarsvæðið, sem gefur krökkum tækifæri á að setja sig í spor fornleifafræðinga, grafa eftir hlutum og teikna upp rústir.
13:00-17:00
Víkingatjöld verða uppsett á búðarústum á nokkrum stöðum norðan Valhallareitsins ásamt víkingum og handverksmenn sýna verk sín um leið.
Kl 14:00.
Gönguferð frá gestastofu með áherslu á stofnun lýðveldis.
Kl 14:00-16:00.
Gönguferð í Skógarkot með landverði þar sem fjallað verður um náttúru sigdældarinnar og sögu eyðibýlanna í þjóðgarðinum.
Kl: 16.00
Leikhópurinn Lotta verður með söngvasyrpu á Valhallarreitnum.
Kl. 16:00
Opnuð ný ljósmyndasýning í gestastofu þjóðgarðsins í samstarfi við Þjóðminjasafn Íslands þar sem ljósmyndir frá lýðveldishátíðarinnar á Þingvöllum 1944 verða sýndar.
Velkomin til Þingvalla - sunnudaginn 16. júní
Margir ólíkir kórar munu koma í Almannagjá og syngja á hálftíma fresti í Almannagjá milli 13:00 - 16:00.
13:00 – 17:00: Fornleifaskóli barnanna verður starfandi við Valhallarsvæðið sem gefur krökkum tækifæri á að setja sig í spor fornleifafræðinga, grafa eftir hlutum og teikna upp rústir.
13:00-17:00 Víkingatjöld verða uppsett á búðarústum á nokkrum stöðum norðan Valhallareitsins ásamt víkingum og handverksmenn sýna verk sín um leið.
13:00 – 17:00 Teymt undir börnum á bakka Öxarár.
16.00 Leikhópurinn Lotta verður með söngvasyrpu á Valhallarreitnum
17:00 Glímutök í boð Glímusambands Íslands
14:00-17:00 Tónleikar í Þingvallakirkju
20:00 Útitónleikar og kvöldvaka sunnudagskvöldið 16. júní á gamla Valhallarreitnum með landsþekktu tónlistarfólki.
Aðrir viðburðir í sumar
Fjölmargir aðrir viðburðir verða í sumar.
Fimmtudagskvöldgöngur eru fastir liðir á Þingvöllum. Í ár verða göngurnar þó sérstaklega tileinkaðar 80 ára lýðveldisafmæli og 150 ára stjórnarskrárafmæli. Göngurnar hefjast klukkan 20:00 og hefjast frá gestastofunni á Haki. Fyrsti gestaleiðsögumaður sumarsins verður forseti Íslands herra Guðni Th. Jóhannesson sem leiðir gönguna 6. júní.
Alþingismaður á Þingvöllum
Í tilefni 80 ára afmæli lýðveldisins býður þjóðgarðurinn á Þingvöllum upp á gönguferðir í sumar á þriðjudagskvöldum þar sem kjörnir þingmenn verða leiðsögumenn og fjalla um málefni líðandi stundar út frá sinni skoðun, þekkingu og sannfæringu.
Þingmenn gera rætt um stjórnmálastarfið, störf Alþingis, sögu og náttúru Þingvalla eða önnur hugðarefni sín. Fyrsta gönguferðin verður þriðjudagkvöldið 18.júní og verða þær á hverju þriðjudagskvöldi til 6.ágúst. Dagskráin verður kynnt síðar.
Sungið á Þingvöllum á sunnudögum
Þjóðgarðurinn á Þingvöllum býður kórum landsins að taka þátt í hátíðardagskrá vegna 80 ára afmælis lýðveldisins í sumar.
Alla sunnudaga milli kl 13.00 og 15.00 frá 23.júní og til loka júlí eru kórar velkomnir að koma fram og syngja í Almannagjá eða annarsstaðar á Þingvöllum.
Föst greiðsla 100 þús kr. eru í boði fyrir þá kóra sem geta komið og tekið þátt. Vinsamlegast sendið tölvupóst á netfangið thingvellir@thingvellir.is ef áhugi er á að koma fram.