Tímabundin störf við landvörslu - þjóðgarðurinn á Þingvöllum
Þjóðgarðurinn á Þingvöllum auglýsir eftir landvörðum. Umsóknir skulu berast í gegnum starfatorg.is.
Störf landvarða hjá þjóðgarðinum á Þingvöllum eru fjölbreytt, skemmtileg og krefjandi.
Um er að ræða starf frá október til 15. maí 2024, með möguleika á framlengingu. Um vaktavinnu er að ræða. Þjóðgarðurinn útvegar farartæki frá fyrirfram ákveðnum stöðum innan höfuðborgarsvæðisins sem starfsfólk getur nýtt sér til að komast á starfsstöð.
Helstu verkefni og ábyrgð
Starf við landvörslu felst m.a. í eftirliti með náttúru og umhverfi Þingvalla, umgengni, veiði, tjaldsvæðum og þjónustu við ferðamenn. Landverðir sjá um fræðslu, upplýsingagjöf og móttöku gesta, sinna léttu viðhaldi á innviðum, þrifum, upplýsingagjöf í þjónustumiðstöð og gestastofu á Haki ásamt öðrum tilfallandi verkefnum.
Hæfniskröfur
- Reynsla af landvörslu eða landvarðarréttindi er kostur en ekki skilyrði
- Grunnþekking í skyndihjálp er kostur en ekki skilyrði
- Kunnátta í íslensku og ensku er skilyrði. Frekari tungumálakunnátta er kostur
- Ökuréttindi og hæfni til að aka jeppum, bæði sjálf- og beinskiptum er skilyrði
- Reynsla af útivist og náttúrutúlkun er kostur en ekki skilyrði
- Umsækjandi þarf að búa yfir frumkvæði, vera jákvæður og með ríka þjónustulund
- Krafa er gerð um hæfni í mannlegum samskiptum
- Umsækjendur þurfa að tileinka sér þekkingu á þjóðgarðinum og nærumhverfi hans
- Umsækjendur þurfa að geta gengið í öll þau störf sem fyrir þá eru lögð
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Ferilskrá skal fylgja umsókn og skulu umsóknir fara í gegnum https://island.is/starfatorg
Öll kyn eru hvött til að sækja um.
Starfshlutfall er 100%
Umsóknarfrestur er til og með 02.10.2023
Nánari upplýsingar veitir
Jóna Kolbrún Sigurjónsdóttir, jona@thingvellir.is
Fanney Einarsdóttir, fanney@thingvellir.is
