Var Drekkingarhylur sprengdur með dínamíti við brúarsmíðar?
Næstkomandi laugardag, 19. október, klukkan 14:00 - 15:30 í gestastofu þjóðgarðsins á Haki verður Baldur Þór Þorvaldsson með fyrirlestur um brúarsmíð við Drekkingarhyl í Almannagjá.
Baldur Þór er verkfræðingur og fyrrum starfsmaður Vegagerðarinnar og fáir hafa rannsakað jafnvel sögu vegagerðar hér á landi og þá sérstaklega við Drekkingarhylinn forna. Vert er að minnast góðrar greinar sem birtist eftir hann í framkvæmdafréttum Vegagerðarinnar um árið.
Tilefnið er ærið enda er núverandi brú svo til í lítt breyttri mynd frá því að hún var breikkuð lýðveldisárið 1944. Það eru því liðin 80 ár frá síðustu umtalsverðu breytingum á brúnni.
Boðið verður upp á kaffi og kleinur á viðburðinum.
Myndin sýnir Drekkingarhyl eins og hann leit út að sumarlagi 2010. Lítið hefur breyst þar síðastliðin 14 ár. Þó var útlitið talsvert annað á árum áður.
Baldur Þór Þorvaldsson
Brúin og umgjörð hennar hefur breyst umtalsvert í aldanna rás en Baldur Þór mun fara vel yfir sögu vegagerðar í Almannagjá í fyrirlestri sínum.
Creative Commons_Frederick Howell
Umtalsverð umferð, manna, hesta og í seinni tíð bíla, hefur farið um Almannagjá síðastliðnar aldirnar. Drekkingarhylur og þar sem Öxará fellur niður í Prestakrók hefur þó oftast verið farartálmi eða þangað til þar var loks byggð brú rétt fyrir aldamótin 1900. Brúin var talsvert samgöngubót og auðveldaði ferðir gesta á vellina fyrir neðan.
Allt þetta og meira til mun Baldur rekja í fyrirlestri sínum í gesastofu þjóðgarðsins laugardaginn 19. nóvember sem hefst klukkan 14:00 í gestastofu þjóðgarðsins á Haki.
Neðan Drekkingarhyls er Prestakrókur. Myndin sýnir talsvert breytta ásýnd frá því að ljósmyndarar frá um 1900 tóku ljósmyndir af brúnni.