Veðrið á Þingvöllum 19,0°C ANA 4 m/s.

Breytingar í þjónustumiðstöðinni á Þingvöllum.

Nú um áramótin tók þjóðgarðurinn á Þingvöllum við rekstri þjónustumiðstöðvarinnar á Leirum.  Stefnt er að því að opna nýja og breytta þjónustumiðstöð um miðjan mars.   Fram að opnun verður hægt að koma inn og fá upplýsingar, kaupa einfaldar veitingar og kaffi vestan megin í þjónustumiðstöðinni þar sem afgreiðsla þjóðgarðsins hefur verið.  Mikil vinna er framundan í breytingum og viðhaldi.

Meðal annars verður skipt út öllum salernum, lagnir og raflagnir endurnýjaðar og rýmið endurinnréttað. Af þeim sökum þarf að loka salernum í þjónustumiðstöðinni á meðan framkvæmdum stendur en gestir geta nýtt fjögur salerni við tjaldstæðið austan við þjónustumiðstöðina.  Vissara er fyrir ferðaþjónustuaðila með stærri hópa að nýta salerni á Hakinu.