Skólaheimsóknir

 

Á hverju ári koma fjölmargir skólahópar í heimsókn til Þingvalla. Undanfarin ár hefur starfsfólk þjóðgarðsins tekið á móti nemendum með skipulögðum hætti og kynnt þeim sögu og náttúru Þingvalla.

hella.jpg

Á vorin eru móttökur bókaðar á klukkustundarfresti frá klukkan 09.00 þær vikur sem mest er um að vera. Móttakan hefst í fræðslumiðstöðina þar sem notuð er margmiðlun til að kynna helstu atriði í sögu og náttúru Þingvalla áður en gengið er niður Almannagjá að Lögbergi. Á leiðinni er fjallað um jarðfræði og sögu staðarins. Móttökunni lýkur við búðarústir í Almannagjá þar sem fjallað er um mannlíf á þingi.

Hægt er að óska eftir móttöku nemenda allt árið um kring og eru þær skólum að kostnaðarlausu. Hægt er að bóka þær á netfanginu thingvellir@thingvellir.is og fá nánari upplýsingar í síma 482 2660.

Um Þjóðgarðinn
Þjóðgarðurinn á Þingvöllum var stofnaður með lögum árið 1930. Í lögunum segir að Þingvellirvið Öxará skuli vera friðlýstur helgistaður allra Íslendinga.
Þingstaðaverkefnið
Þingstaðaverkefnið samstarfsverkefni 8 aðila sem miðar af því að draga fram sögu fornra þingstaða.
Heimsminjaskrá
Þingvellir voru samþykktir á heimsminjaskrá Menningarmálastofnunar Sameinuðu þjóðanna 2.júlí 2004 á fundi heimsminjaráðsins sem haldinn var í Suzhou í Kína.
Þjónusta
Þjóðgarðurinn á Þingvöllum var stofnaður 1930. Í dag eru Þingvellir einn fjölsóttasti ferðamannastaður landsins en um 500.000 gestir heimsækja Þingvelli árlega.