Reiðleiðir um þjóðgarðinn

 

Þingvallasvæðið hefur um aldir verið viðkomustaður þeirra sem fara ríðandi um landið. Á Þingvöllum greinast leiðir um Uxahryggi og Kaldadal í uppsveitir Borgarfjarðar og svo austur um sveitir Suðurlands. Í Skógarhólum hefur um árabil verið rekin áningarstaður hestamanna á vegum Landssambands hestamanna.   Fyrir rúmu ári síðan endurnýjaði Landsamband hestamanna leigusamning við Þingvallanefnd til tíu ára en Skógarhólar eru í miðjum þjóðgarðinum

Tvær reiðleiðir hafa verið skilgreindar innan og í gegnum þjóðgarðinn sem hestamenn eiga að nýta sér.

Í Stekkjargjá.jpg

Hægt er að velja um tvær leiðir frá Skógarhólum.  Er það leiðin frá
Skógarhólum til norðurs með þjóðveginum í gegnum Bolabás upp með þjóðgarðsgirðingu með Ármannsfelli að hliði á girðingunni þar sem farið er niður í Hrauntún.  Það liggur leiðin á fallegum skógarstíg niður að Skógarkoti.  Á þessari leið er farið yfir þjóðveginn og eru hestamenn beðnir um sýna ítrustu aðgæslu þegar farið er yfir veginn enda hefur umferð margfaldast á þjóðveginum í gegnum þjóðgarðinn á undanförnum árum.  Frá Skógarkoti er farinn Skógarkotsgata niður að Vellankötlu sem er á bakka Þingvallavatns og hægt er að brynna þar hestum.  Þaðan liggur leiðin upp Gjábakkastíg og aftur farið yfir þjóðveginn og farinn stutt leið inn að túnunum á Gjábakka þar sem flestir á.

Önnur leið frá Skógarhólum í Skógarkot liggur um Langastíg.  Þá er riðið frá Skógarhólum skamma leið tilbaka í átt að Brúsastöðum.  Þar fljótlega greinist leiðin og reiðslóð liggur til suðurs í átt að Almannagjá.  Þetta er nokkuð grýtt slóð á köflum en að lokum er komið að bílastæðinu við Langastíg og farið þar í gegnum girðingu og nauðsynlegt er að teyma hesta niður brattann stíginn niður um Langastíg í Stekkjargjá.  Þaðan er riðið eftir malarreiðstíg út úr Stekkjargjá niður að Vallagjá og þaðan um Skógarkotsveg inn í Skógarkot.  Þessi leið hentar síður til rekstrar.

Hægt er að kynna sér þessar leiðir nánar á korti sem sækja má hér.


Þjóðgarður _reiðleiðir.jpg

Þessar leiðir eru sérstaklega fallegar og eru hestamenn hvattir til að nota þær. Stórhættulegt er að ríða á þjóðvegum  þar sem umferð bíla er mjög hröð í þjóðgarðinum, mikið er um blindbeygjur og því eiga hestamenn að nota reiðvegi þar sem annað skapar mikla slysahættu fyrir menn og hesta. Umferð hestamanna um þinghelgina og Almannagjá er bönnuð til að forða árekstrum milli gangandi og ríðandi umferðar.   

Hægt er að hafa samband við staðarhaldara í Skógarhólum þau Árna Guðmundsson og Bergdísi Finnbogadóttur í síma 8989488 og/eða skogarholar16@gmail.com.

Um Þjóðgarðinn
Þjóðgarðurinn á Þingvöllum var stofnaður með lögum árið 1930. Í lögunum segir að Þingvellir við Öxará skuli vera friðlýstur helgistaður allra Íslendinga.
Þingstaðaverkefnið
Þingstaðaverkefnið samstarfsverkefni 8 aðila sem miðar af því að draga fram sögu fornra þingstaða.
Heimsminjaskrá
Þingvellir voru samþykktir á heimsminjaskrá Menningarmálastofnunar Sameinuðu þjóðanna 2.júlí 2004 á fundi heimsminjaráðsins sem haldinn var í Suzhou í Kína.
Þjónusta
Þjóðgarðurinn á Þingvöllum var stofnaður 1930. Í dag eru Þingvellir einn fjölsóttasti ferðamannastaður landsins en um 500.000 gestir heimsækja Þingvelli árlega.