Stofnanir umhverfisráðuneytisins setja sér loftslagsmarkmið

 

Forstöðumenn stofnana umhverfis- og auðlindaráðuneytisins undirrituðu fyrir helgi yfirlýsingu um að setja loftslagsmarkmið fyrir stofnanirnar. Munu markmiðin miða að samdrætti í losun gróðurhúsalofttegunda og að starfsemi stofnananna verði kolefnishlutlaus.

Alls eru stofnanir umhverfis- og auðlindaráðuneytisins 15 talsins en yfirlýsing þeirra er í samræmi við markmið Íslands í loftslagsmálum og stefnu ríkisstjórnarinnar um kolefnishlutleysi samkvæmt stjórnarsáttmála.

Í yfirlýsingunni kemur fram að stofnanirnar muni kortleggja losun frá starfsemi sinni, setja markmið um samdrátt í losun og birta árlega skýrslu um framgang og árangur. Notast verður við samræmt skráningarkerfi til að tryggja samræmi og samanburðarhæfni gagna.

Í fyrstu verður lögð áhersla á að draga úr losun frá samgöngum og úrgangi. Loftslagsmarkmið skulu liggja fyrir eigi síðar en í árslok 2018 en markmiðin verða endurskoðuð árlega.

forstodumenn

Um Þjóðgarðinn
Þjóðgarðurinn á Þingvöllum var stofnaður með lögum árið 1930. Í lögunum segir að Þingvellir við Öxará skuli vera friðlýstur helgistaður allra Íslendinga.
Þingstaðaverkefnið
Þingstaðaverkefnið samstarfsverkefni 8 aðila sem miðar af því að draga fram sögu fornra þingstaða.
Heimsminjaskrá
Þingvellir voru samþykktir á heimsminjaskrá Menningarmálastofnunar Sameinuðu þjóðanna 2.júlí 2004 á fundi heimsminjaráðsins sem haldinn var í Suzhou í Kína.
Þjónusta
Þjóðgarðurinn á Þingvöllum var stofnaður 1930. Í dag eru Þingvellir einn fjölsóttasti ferðamannastaður landsins en um 500.000 gestir heimsækja Þingvelli árlega.