Fréttatilkynning – þjóðgarðurinn á Þingvöllum

 

Á fundi Þingvallanefndar þann 6. september sl.  var samþykkt að ráða Einar Á. E. Sæmundsen fræðslufulltrúa þjóðgarðsins til 1 árs í stöðu þjóðgarðarsvarðar. Ráðningin tekur gildi frá og með 1. október næstkomandi.

Í Umhverfisráðuneytinu er unnið að frumvarpi um stofnun þjóðgarðastofnunar og vegna þess samþykkti Þingvallanefnd að fresta auglýsingu um starf þjóðgarðsvarðar í eitt ár.  Á þeim tíma mun nefndin móta starfsskilyrði nýs þjóðgarðsvarðar og mun staðan verða auglýst að þeim tíma loknum.

Einar


Einar Á. E.Sæmundsenhefur starfað sem fræðslufulltrúi  þjóðgarðsins frá 2001. Hann útskrifaðist sem   landfræðingur frá Háskóla Íslands 1996 og       landslagsarkitekt frá háskólanum í Minnesota 2000.  Einar   hefur unnið að skipulagi fræðslustarfs hjá þjóðgarðinum   ásamt því að hafa umsjón með framkvæmdum innan hans   undanfarin ár. Einnig unnið að umsókn Þingvalla fyrir   heimsminjaskrá UNESCO og situr í stjórn samtaka   Norrænna heimsminjastaða ásamt því að vera tengiliður   þjóðgarðsins við ýmis alþjóðaverkefni sem þjóðgarðurinn   hefur tekið þátt í. Einar er búsettur í Reykholti í   Bláskógabyggð.

 

Ólafur Örn Haraldsson lætur af störfum sem þjóðgarðarsvörður vegna aldurs þann 1. október næstkomandi. 

Ólafur Örn hefur starfað sem þjóðgarðsvörður frá árinu 2010, en frá þeim tíma hefur starfsemi þjóðgarðsins tekið miklum breytingum, meðal annars vegna þeirra miklu áskorana sem aukin ferðaþjónusta hefur haft í för með sér. Þingvallanefnd þakkar Ólafi Erni fyrir vel unnin störf og óskar honum velfarnaðar í framtíðinni.

IMG_2976.JPG

Um Þjóðgarðinn
Þjóðgarðurinn á Þingvöllum var stofnaður með lögum árið 1930. Í lögunum segir að Þingvellir við Öxará skuli vera friðlýstur helgistaður allra Íslendinga.
Þingstaðaverkefnið
Þingstaðaverkefnið samstarfsverkefni 8 aðila sem miðar af því að draga fram sögu fornra þingstaða.
Heimsminjaskrá
Þingvellir voru samþykktir á heimsminjaskrá Menningarmálastofnunar Sameinuðu þjóðanna 2.júlí 2004 á fundi heimsminjaráðsins sem haldinn var í Suzhou í Kína.
Þjónusta
Þjóðgarðurinn á Þingvöllum var stofnaður 1930. Í dag eru Þingvellir einn fjölsóttasti ferðamannastaður landsins en um 500.000 gestir heimsækja Þingvelli árlega.