Brot úr norðurljósum fannst á Þingvöllum

 

Uppfært: vinsamlegast athugið að þessi frétt er uppspuni frá rótum í tilefni 1.apríl.

Vinsælt er í norðurljósaferðum að ganga aftur fyrir þjónustumiðstöðina í skjól og horfa á norðurljósin. Þegar landverðir á vegum þjóðgarðsins voru að tína upp rusl í morgun rákust þeir á furðulegan glerlíkan stóran stein eða kristallíki. Við nánari greiningu kom í ljós að steinninn er líklega hluti af norðurljósunum sem fallið hafa til jarðar einhverntímann seinnipartinn í vetur.nordur1.jpg

Samkvæmt Sævari Helga Bragasyni formanni stjörnuskoðunarfélags Seltjarnarness er þetta einstakt og líklega í fyrsta sinn sem að brot úr norðurljósunum finnst eftir að það hafi  fallið til jarðar. Líkur eru á að mikil hreyfing í háloftunum hafi orðið til þess að kvarnast hafi lítið brot úr þeim og fallið til jarðar.

nordur2.jpg

Alþekkt er að norðurljósin dansi og þá sérstaklega yfir Þingvöllum.  Það verður að teljast mikil mildi að það hafi ekki lent á ferðamanni.  Hægt er að skoða brotið fram eftir degi í Gestastofunni á Hakinu en svo verður því komið í hendur á sérfræðingum Náttúruminjasafnsins.

Um Þjóðgarðinn
Þjóðgarðurinn á Þingvöllum var stofnaður með lögum árið 1930. Í lögunum segir að Þingvellirvið Öxará skuli vera friðlýstur helgistaður allra Íslendinga.
Þingstaðaverkefnið
Þingstaðaverkefnið samstarfsverkefni 8 aðila sem miðar af því að draga fram sögu fornra þingstaða.
Heimsminjaskrá
Þingvellir voru samþykktir á heimsminjaskrá Menningarmálastofnunar Sameinuðu þjóðanna 2.júlí 2004 á fundi heimsminjaráðsins sem haldinn var í Suzhou í Kína.
Þjónusta
Þjóðgarðurinn á Þingvöllum var stofnaður 1930. Í dag eru Þingvellir einn fjölsóttasti ferðamannastaður landsins en um 500.000 gestir heimsækja Þingvelli árlega.